Recurs cunter sistem d'elecziun va al Tribunal federal

Il Cussegl grond na tracta betg il recurs cunter il sistem d'elecziun grischun. Cun gronda maioritad ha il parlament grischun decidì da surdar quest recurs a la dretgira administrativa.

Il cussegl grond na saja betg responsabel per tractar il recurs cunter il sistem electoral. Bild in Lightbox öffnen.

Legenda da maletgs: Il cussegl grond na saja betg responsabel per tractar il recurs cunter il sistem electoral. mad

Tenor il rapport da la cumissiun per giustia na saja quai betg il pensum dal parlament d'examinar il recurs. Recurs cunter sistem electoral suenter las ultimas elecziuns Curt suenter las davosas elecziuns dal parlament grischun avevan 33 persunas inoltrà in recurs encunter il sistem d'eleger il parlament. Tenor il recurs cuntrafa il maiorz grischun a la constituziun federala. Uss sto la dretgira administrativa sa fatschentar dal recurs. (rtr/uca)

(RR novitads a las 16:00)

Nay: "Recurs cunter maiorz betg senza schanzas"

L'anteriur president da la dretgira federala Giusep Nay è dal maini ch'il recurs encunter las elecziuns da la dumengia n'è betg senza schanzas. Dentant er sche la dretgira administrativa e la dretgira federala sustegnan il recurs na muntia quai betg automatic ch'il sistem da proporz vegnia introducì.

Era il maiorz è la culpa che las dunnas mancan

Strusch ch'ils resultats da las elecziuns grischunas èn stads enconuschents, vul ina gruppa cun l'anteriur deputà Andrea Bianchi a la testa, puspè cumbatter il sistem d'elecziun da maiorz. In sistem ch'è tenor Anita Mazzetta er in dals motivs daco ch'igl ha uschè paucas dunnas en il parlament grischun.

Recurs cunter elecziuns è inoltrà

Il recurs cunter l'elecziun da la regenza e dal parlament grischun è ussa instradà uffizialmain. Oz ha ina gruppa d'anteriurs politichers enturn l'advocat Andrea Bianchi mess quel sin via.