Vischnanca sposta la votaziun davart zona turistica "Trü"

A Scuol vegn la votaziun davart la zona turistica "Trü" spustada. La suprastanza communala da Scuol haja decis da spustar questa votaziun sin ils 21 da december, communitgescha la vischnanca.

In'instanza pretenda da schlargiar la votaziun davart la zona turistica "Trü" sin la dumonda da l'utilistaziun da l'entir areal. Bild in Lightbox öffnen.

Legenda da maletgs: In'instanza pretenda da schlargiar la votaziun davart la zona turistica "Trü" sin la dumonda da l'utilistaziun da l'e... mad

In abitant da Scuol aveva inoltrà in'instanza da votar sur da l'utilisaziun da l'entir areal "Trü". La suprastanza communala aveva publitgà quest'instanza sin las tavlas nairas ed en l'internet. Damai ch'i è dispitaivel, sche quai tanscha, ubain sche l'instanza avess stuì vegnir integrada en la missiva, è la suprastanza da Scuol sa decidida da spustar la votaziun. (rtr/rm/uca)

(RR Actualitad la saira)

Forsa sto la votaziun davart la midada da zonas a Trü vegnir spustada

Scuol sto eventualmain spustar la votaziun dals 30 da november davart la midada da zonas a Trü. La midada da zonas prevesess dad engrondir la zona turistica enturn il bogn liber per pussibilitar in project da hotel.

I vegn votà sco planisà davart il quartier Trü

A Scuol vegn votà sco planisà davart la midada dal quartier Trü en ina zona turistica. Quai ha decidì il cussegl communal. La votaziun è ils 30 da november. In convischin aveva fatg la proposta da gest votar sur da l'utilisaziun da l'entir areal e da serrar l'implant da sport da Trü ch'è deficitar.

Belvedere Hotels vul bajegiar hotel sin l'areal Trü

A Scuol datti ussa era in interessent indigen che vul bajegiar in hotel sin l'areal Trü. Sper la chadaina da hotels Explorer da la Germania, s'interessescha era il Belvedere Hotels a Scuol per bajegiar l'hotel ensemen cun in biro d'architectura da Cuira.

Scuol decida l'atun davart in ulteriur hotel

A Scuol è il project per in ulteriur hotel sin l'areal Trü in pass enavant. Sco quai che la suprastanza ha infurmà durant la radunanza communala, vegn il suveran a decider l'atun sche l'hotel da 200 letgs po vegnir realisà. Fabritgar quel vul la chadaina d'hotels da la Germania Explorer.

Puspè in nov project d'hotel a Scuol

A Scuol datti in ulteriur project per in nov hotel. La chadaina d'hotels da la Germania Explorer vul fabritgar sin l'areal da Trü in hotel cun radund 200 letgs. Il segment da giasts è tar 1 fin 2 stailas e quest hotel n'avess nagin restaurant.

Bogn avert Trü cun fitg blers giast il fanadur

Grazia a las autas temperaturas ha il bogn avert Trü a Scuol registrà durant il mais da fanadur, cumpareglià cun auters onn, fitg autas frequenzas.

Scuol: Restaurant Trü è serrà

Il restaurant Trü a Scuol è dapli bundant 1 emna serrà. Ils ultims 7 onns è quest gia il quart ustier che serra l'ustaria. Il restaurant è en possess da la vischnanca da Scuol che tschertga ussa ina soluziun. Tenor ina analisa fiss in hotel cun ustaria la soluziun optimala per il cussegl communal. A curta vista vegnia tschertgà ina soluziun da catering cun in ustier indigen, quai tenor il capo communal. (rm/ds)