"Carna Grischa SA ha communitgà dal tuttafatg fallà"

Il scandal enturn il commerziant da charn Carna Grischa SA, che ha declerà fallì charn, ha fatg lingias grassas en l'entira Svizra. Quasi mintg'in enconuscha uss il quart-grond commerziant da charn en Svizra. Pauc optimal per il num Carna Grischa. Tenor Roland Binz, cussegliader e docent da communicaziun, haja la firma fatg fallì quasi tut quai ch'ins po far fallì.

Tenor l'expert da communicaziun haja la firma grev da sa revegnir. Bild in Lightbox öffnen.

Legenda da maletgs: Tenor l'expert da communicaziun haja la firma grev da sa revegnir. Keystone

Cun l'emprim empruvar d'impedir la publicaziun dal scandal e suenter communitgar a moda intransparenta vegnia quai fitg grev per Carna Grischa da puspè sa revegnir dal stemprà, uschia l'expert da communicaziun. (rtr/bu)

Experts externs duain sclerir

Il cussegl d'administraziun da la Carna Grischa SA deplorescha ed è consternà da las irregularitads. Ils schabetgs sajan inacceptabels e stettian en contradicziun a las directivas da qualitad e cumportament da la Carna Grischa SA, uschia scriva Ettore Weilenmann, president dal cussegl d'administraziun.

Procura publica investighescha cunter Carna Grischa SA

La Procura publica grischuna investighescha en connex cun las decleraziuns falladas da la firma da charn grischuna Carna Grischa a Landquart. Ella saja vegnida activa sin fundament d'ina accusaziun anonima ch'è vegnida inoltrada la penultima emna, uschia la Procura publica grischuna.