Center da terapia medicinal pront per nov concept

Passa 200 persunas eran preschentas a la radunanza generala dal center da terapia medicinal. Impurtant era la davosa tractada cun la dumonda: Co vinavant cun il bogn da cura?

Il bogn da cura duess survegnir in concept modern che porta rendita. Bild in Lightbox öffnen.

Legenda da maletgs: Il bogn da cura duess survegnir in concept modern che porta rendita.

Concept na sa cunfa betg cun il temp Il center da terapia medicinal, MTZ, è dapi il 2002 manader dal bogn da cura. Per la fin da matg 2017 ha el survegnì la desditga dal locatur e possessur dal bogn, la Bäder AG. Motiv: il concept dal MTZ da manar l'affar sa cunfa betg cun il temp. Bogn duai tegnair status d'in bogn da cura Tenor Dr. Robert Eberhard, manader dal MTZ, sajan els avert per in nov e modern concept. Els vulan dentant ch'il bogn tegna ses status d'in bogn da cura per ch'ils tractaments dals indigens vegnian vinavant surpiglià da las cassas da malsauns. Tenor il CEO da la Bäder AG, Raimund Kirchleitner saja quai pussaivel da manar in tal affar rentabel sut il medem status. E la Bäder AG e pronta da discurrer cun il MTZ. Vischnanca cun pauca influenza La vischnanca da San Murezzan è proprietaria dal terren. Il contract da dretg da construcziun tranter la vischnanca e la Bäder AG definescha ch'ils stabiliments actuals pon vegnir renovads u remplazzads, dentant sulettamain atras infrastructuras cun ils medem intent. La vischnanca tegna en egl il contract, dapli influenza n'ha ella betg, di il president, Sigi Asprion. (rtr/vr)

Bogn da cura senza center da terapia medicinal

La Bäder AG, na vul sut las cundiziuns actualas betg prolungar il contract cun il MTZ, il center da terapia medicinal. Il contract da locaziun scada la fin matg 2017. Il MTZ maina per il mument il bogn da cura, il Heilbad, a San Murezzan.