Cussegl grond s'occupa da la Terma da Val

Oz è il davos di da la sessiun dal cussegl grond a Samignun. In dals temas èn duas dumondas da la fracziun socialdemocratica en connex cun il finanzier Remo Stoffel che cumpra la terma da Val.

Il bogn termal da l'architect Peter Zumthor a Val S. Pieder. Bild in Lightbox öffnen.

Legenda da maletgs: Il bogn termal da l'architect Peter Zumthor a Val S. Pieder. RTR, L. Livers

La fracziun socialdemocratica vuless savair da la regenza co ch'ella giuditgescha il fatg ch'i sajan instradadas diversas proceduras giuridicas cunter Stoffel. Tranter auter pervi da delicts da taglia e falsificaziun da documents. Sin maisa vegn er la dumonda tge rolla ch'il chantun Grischun ha giugà en connex cun la vendita da la terma da Val e sch'il chantun haja empermess ina participaziun finanziala per la renovaziun da la terma da Val. Ier ha il cussegl grond approvà la refurma dal territori cun 93 cunter 4 vuschs. Quella preveda ch'i dat en il Grischun en l'avegnir anc trais livels politics, il chantun, las vischnancas e da nov 11 regiuns. Il davos pled ha il pievel a l'urna. (fa/rtr)