Otto Largiadèr è mort

Otto Largiadèr, l'anteriur cusseglier guvernativ grischun, è mort en la vegliadetgna dad 86 onns. Largiader è stà commember da la regenza grischuna ils onns 1975 fin 1986. La pravenda da Puntraschigna ha confermà la novitad publitgada en las medias.

Otto Largiadèr è mort en la vegliadetgna dad 86 onns. Bild in Lightbox öffnen.

Legenda da maletgs: Otto Largiadèr è mort en la vegliadetgna dad 86 onns. Archiv/Südostschweiz

Otto Largiadèr è creschì si a Puntraschigna. Suenter la matura a la scola chantunala a Cuira, ha el studegià economia publica a l'universitad da Turitg e da Berna. Da 1948-74 è el stà directur da cura a Puntraschigna, 1961-66 è el stà là president communal. Durant ses temp en la regenza grischuna, è el stà chau dal departament d'educaziun e sanitad. En il rom da l'uschenumnada concepziun da museum e planisaziun da sanadad, ha el realisà numerus projects da construcziun en il champ dals museums chantunals, dals ospitals, sco er da chasas d'attempads e da tgira. (fa/rtr/lis)