Terratrembel-en-il-Giapun

Dapi il terratrembel da venderdi, ils 11 da mars 2011 guarda l'entir mund sin il Giapun. Sper la devastaziuns entras il terratrembel ed il tsunami ch'i ha dà suenter, fan cunzunt las ovras atomaras ch'èn donnegiadas, quitads. Las medias rapportan en emissiuns spezialas da quai ch'è capità e capita actualmain là. Ils donns e las consequenzas vid las ovras atomaras vegnan cumparegliadas cun la catastrofa da Tschernobyl. I vegn speculà e fatg prognosas. Quai cunzunt perquai che las infurmaziuns da las autoritads giapunaisas èn plitost magras e nagin para propi da savair co che la situaziun en las ovras atomaras è actualmain.

Sche la tema regia - Tschernobyl e Fukushima

Tschernobyl e Fukushima èn duas catastrofas che fan tema. Tema n'ha betg mo la glieud pertutgada directamain, ma era quella che viva millis kilometers davent. En la marella discurrin nus cun ina mamma che ha bandunà il Giapun ord tema per ses uffants, cun in um che ha visità la zona morta da Tschernobyl e cun experts che mesiran la radioactivitad e che sa fatschentan da la tema en lur mintgadi professiunal.

Chadaina da fortuna

Logo da la chadaina da Fortuna. Bild in Lightbox öffnen.

Legenda da maletgs: Logo da la chadaina da Fortuna. Glückskette

La chadaina da fortuna ha avert per las unfrendas en in Giapun in conto da donaziuns. Il conto è 10-15000-6 cun il chavazzin "Japan" u alura era en l'internet sut l'adressa www.glueckskette.ch.

(gh)