La charta da vegetaziun da l'Engiadin'Ota – in mussavia per chattar passa 900 differentas sorts da plantas che flureschan

Conradin Burga, oriund dad Andeer en Val Schons, è professer da geografia e da biogeografia a l'universitad da Turitg. Ensemen cun quatter students che han scrit las lavurs finalas da lur studis, lur lavurs da master, ha el creà la "Charta da la vegetaziun da l'Engiadin'Ota". Trais onns han ils scienziads lavurà vi da questa charta da geografia che mussa il medem mument nua che sa chattan tgeninas plantas che flureschan en la regiun tranter Samedan, Malögia ed il pass dal Bernina. Sur 900 sorts da plantas che flureschan han els chattà e cun lur charta da la vegetaziun dattan els agids concrets per chattar questas plantas en la natira. Sco contribuziun al mantegniment dal rumantsch datti er ina versiun putera. Redacziun: Niculin Bezzola