Corin Curschellas è nominada per il Grand Prix Musica

La chantadura rumantscha Corin Curschellas è nominada per il Grand Prix Musica da la Svizra. Il premi vegn surdà quest onn per l'emprima giada da l'uffizi federal per cultura.

La chantadura grischuna, Corin Curschellas, è s’occupada ils ultims 20 onns pli e pli cun il stgazi da chanzuns rumantschas. Bild in Lightbox öffnen.

Legenda da maletgs: La chantadura grischuna, Corin Curschellas, è s’occupada ils ultims 20 onns pli e pli cun il stgazi da chanzuns ruman... Yannik Andrea

Dasper Curschellas èn nominads anc 14 ulteriurs artists ord las pli differentas spartas musicalas: Andreas Schaerer, Beat man, Julian Sartorius, (tuts 3 da BE), Irène Schweizer (ZH), Norbert Möslang (SG), Ensemble Phoenix (BS), Erika Stucky (Thalwil), Hans Kennel (Baar), Marcel Oetiker (Altendorf) sco era l' Ensemble Steamboat Switzerland. Plinavant Dragos Tara (Losanna), Franz Treichler e Mama Rosin (GE) e Franco Cesarini (TI). Proceder d'elecziun L'uffizi federal da cultura ha incumbensà ina gruppa d'experts da 10 persunas. Quella sacumpona da schurnalists da musica, experts da musica sco era musicists. Il gremi ha tschernì candidatas e candidats da tuttas regiuns e da tuttas spartas musicalas. Ella ha suttamess 41 propostas ad ina giuria che ha elegì ils 15 finalists. La finamira dal premi saja d'onurar la lavur musicala extraordinaria ed innovativa en Svizra, scriva l'uffizi federal. La nominaziun porta a mintga artist 25'000 francs. Il premi principal è dotà cun 100'000 francs e vegn surdà ils 19 da settember a Losanna. (cdm/cs)

(RR novitads a las 12:00)

Videoclip "Vagants" (Cuntrasts ils 19-03-1995)

A_ Monn A_14-643234-1_Corin Curschellas Vagants__RTR000000307943_20140428_163700_v_webcast_h264_q10.mp4

Videoclip "La Pura" (Svizra rumantscha dals 28-08-1984)

A_ Monn A_14-660317-1_in-out Selektion Segantini-Modell Baba__RTR000000324486_20140616_120806_v_webcast_h264_q10.mp4