Novas dimensiuns per il festival da teater Origen

Il festival Origen vul metter tut quai ch'è stà enfin ussa en la sumbriva. Saja quai artistica- u finanzialmain, communitgescha il festival. Sfratgar tut las dimensiuns d'enfin qua, vul il festival cun ina retscha da primaudiziuns deditgada al grond imperatur dal temp medieval, Carl il Grond. Bun 3 milliuns francs duai il program da l'auter onn custar.

Giovanni Netzer, l'intendant dal festival Origen. Bild in Lightbox öffnen.

Legenda da maletgs: Giovanni Netzer, l'intendant dal festival Origen. RTR, F. Belotti

E quest program prevesa da preschentar a Turitg ed en las claustras gregorianas dal Grischun l'ultima ovra dal cumponist barmier Gion Antoni Derungs - in ovra che tracta Carl il Grond. Quai per lantschar la retscha da primaudiziuns dal festival Origen 2014. Operas en Val Müstair ed a Riom Il mars giessia lura ora en la cuntrada dals lais da l'Engiadin'Ota, nua ch'il festival inscenass sut tschiel avert co l'imperatur Carl il Grond ha trapassà ils pass d'enviern en il Grischun. En la Val Müstair fiss lasuenter planisà in'opera da sia encurunaziun e parallel tar quella in'opera en il chastè da Riom che tematisescha l'obsessiun da far bogn da Carl il Grond. Optimistic da ramassar ils milliuns Per pudair realisar l'entir program, basegna Origen probabel enturn 3 milliuns francs. L'intendant Giovanni Netzer è optimistic da vegnir ensemen cun ils daners. El quinta cun contribuziuns dad in mez milliun francs da las regiuns Grischun central e da l'Engiadina e dad in mez milliun er dal chantun. (sda/gc)

Origen preschenta la legenda da Carli il Grond il 2014

Il festival cultural Origen preschenta la legenda da l'imperatur da Carli il Grond l'onn proxim. Tenor l'intendant dal festival Giovanni Netzer saja ins sin buna via da realisar la preschentaziun a Surlej en Engiadin'Ota.