Mintga rap quinta

800 milliuns persunas n'han betg access ad aua da baiver. Perquai ha l'acziun "Mintga rap quinta" dal radio SRF 3 e da la televisiun SRF 2 rimnà quest onn durant in'emna daners per projects d'aua. Il motto da l'acziun da la rimnada è stà "mintga dagut gida". Dals 17 fin ils 22 da december 2012 è vegnì fatg emissiun ord in container da vaider sin la plazza davant il center da cultura e congress (KKL) a Lucerna.

Igl è vegnì rimnà 6'712'839 francs. Cun quels daners vegnan sustegnids projects d'aua en pajais da svilup.

Passa 9'000 francs

Bild in Lightbox öffnen.

Legenda da maletgs:

Las redacziuns da Battaporta e Minisguard han era vulì gidar a rimnar daners ed èn ids perquai tras il Grischun a vender biscuits, petta u café. Els han visità Scuol, Zuoz, Savognin, Cuira e Trun. Durant il viadi da trais dis han els pudì rimnar 9'323.90 francs per l'azciun "Jeder Rappen zählt".

RTR è stà en il Sudan dal Sid nua che la gronda part da la populaziun n'ha betg access ad aua schubra ed ha visità projects che duain meglierar questa situaziun.

Sin viadi en il Sudan dal Sid

Sudan dal sid: Mir tegna enavos l'aua. Bild in Lightbox öffnen.

Legenda da maletgs: Sudan dal sid: Mir tegna enavos l'aua. RTR, C. Cathomen

Dapi ils 9 da fanadur 2011 è il Sudan dal Sid in stadi independent. Cun la fundaziun dal nov stadi è la guerra civila ch'ha cuzzà dus decennis a fin. Ma il pajais stat avant grondas sfidas. In entir stadi sto vegnir organisà, l'entira infrastructura sto vegnir bajegiada si. In dals gronds problems è la mancanza d'aua da baiver. Be 35 % da la populaziun ha access ad aua schubra. La Marella ha visità projects da la Caritas e da la Crusch Cotschna che duain meglierar la situaziun en il Sudan dal Sid. Redacziun: Claudia Cathomen

Impressiuns dal Sudan dal Sid: