Forum cun Iso Camartin - Le nozze di Figaro da Wolfgang Amadeus Mozart

La collavuraziun tranter Mozart e ses librettist Lorenzo Da Ponte vala sco in dals pli ventiraivels eveniments en l'istorgia da la musica. Lur pli reussida opera è la transfurmaziun d'ina cumedia cun dinamit politic da l'autur franzos Beaumarchais en in gieu da confusiuns eroticas. Las persunas principalas – il cont e la contessa, Figaro e sia Susanna, Cherubino e Barbarina – vulan tuts vegnir sin lur quint. I dat scumbigls e malchapientschas, mo era trics e rampins per betg vegnir a la curta en las aventuras eroticas. La finala va tut or en bain e nus avain il daletg d'udir recitativs ed arias d'ina tala bellezza e perfecziun ch'ins n'emblida mai pli la musica da Mozart. Redacziun: Iso Camartin

Forum cun Iso Camartin - Le nozze di Figaro da Wolfgang Amadeus Mozart Bild in Lightbox öffnen.

Legenda da maletgs: Forum cun Iso Camartin - Le nozze di Figaro da Wolfgang Amadeus Mozart RTR