In viadi ventiraivel en il passà per dus Turitgais

La premiera dal gieu liber Laina Viva a chaschun dal giubileum dal Parc Naziunal Svizzer ha persvas ils radund 400 aspectaturs ch'han giudì il spectacul sut tschiel liber a Zernez durant duas uras.

Ladina cun ils dus turists da la Bassa e Steivan Brunies alias Flurin Caviezel. Bild in Lightbox öffnen.

Legenda da maletgs: Ladina cun ils dus turists da la Bassa e Steivan Brunies alias Flurin Caviezel. RTR

Imposanta era la culissa natirala a Zernez vers il pass dal Fuorn cun las muntognas e l'illuminaziun speziala sin il far notg. L'istorgia da la fundaziun dal Parc Naziunal Svizzer, scritta da Simon Engeli, vegn preschentada al public cun far in sigl en il passà, en l'onn 1914 cura ch'ils cumbats per fundar in tal parc avevan cumenzà. Cun bleras pointas, musica e tschegns vegnan ils dus turists manads tras l'istorgia. Accumpognads dal co-fundatur dal Parc Naziunal Svizzer, Steivan Brunies giugà da Flurin Caviezel. Laina Viva vegn anc represchentà fin ils 16 d'avust 2014. (rtr/ac)