Forum cun Clau Lombriser: Constantin il grond – l'emprim imperatur cristian

I ha durà 300 onns enfin ch'ils cristifidaivels da l'Imperi roman han survegnì il dretg da pratitgar libramain lur religiun. Quai han els d'engraziar a l'imperatur Constantin il Grond. L'onn 313, pia exact avant 1700 onns, ha el relaschà "l'Edict da Milaun", ina marca decisiva per las cuminanzas cristianas sparpagliadas en l'entir imperi. A la fin da sia vita sa lascha Constantin battegiar, ed il cristianissem remplazza plaunsieu la religiun pajauna. Constantin e sia mamma, l'imperatura Helena, han fullà via a la cristianisaziun da l'Europa, cun tut sias varts suleglivas sco era sumbrivaunas. Redacziun: Clau Lombriser

Constantin il Grond. Bild in Lightbox öffnen.

Legenda da maletgs: Constantin il Grond. mad