Chattà in nov plevon

Thomas Arkuszewski è il nov plevon per la vischnanca da Sedrun. Quai ha Leci Brugger, il president da la plaiv da Tujetsch, confirmà al Radio Rumantsch. Thomas Arkuszewski ha 45 onns ed è oriunds da la Pologna. Il plevon na vegn betg per l'emprima giada en il chantun Grischun. Avant intgins onns ha el gia lavurà per 5 onns a Prada en il Puschlav.

La vischnanca da Tujetsch. Bild in Lightbox öffnen.

Legenda da maletgs: La vischnanca da Tujetsch. RTR

Enfin la fin d'avust lavura Thomas Arkuszewski anc en il chantun Argovia. L'entschatta da settember cumenza el lura sia lavur a Sedrun. La plaiv da Tujetsch haja contactà Thomas Arkuszewski sin cussegl dal uvestg, ha ditg Leci Brugger. Ils commembers da la plaiv da Tujetsch hajan confirmà il plevon cun ina votaziun consultativa. Thomas Arkuszewski succeda a sur Reto Nay. Lez aveva stuì bandunar l'entschatta da l'onn la plaiv perquai ch'el aveva discredità sin l'emettur Gloria TV plirs uvestgs tudestgs cun mussar els ensemen cun cruschs en crutsch. (sm/rtr)