Germania: Wulff ceda

Suenter 2 onns en uffizi ha il president federal da la Germania Christian Wulff demissiunà. El ha declerà sia demissiun venderdi da mezdi a Berlina. El n'haja betg pli la cunfidanza necessaria dad ina maioritad da la populaziun.

Il president Christian Wulff tar sia demissiun en il palazzi presidial a Berlina. Bild in Lightbox öffnen.

Legenda da maletgs: Il president Christian Wulff tar sia demissiun en il palazzi presidial a Berlina. Reuters

Rinfatschas d'avair prendì avantatg persunal dals privilegis sco president Quai curt suenter che la procura publica da Hannover aveva pretendì ch'il Bundestag schliia l'immunitad politica da Wulff. Sin fundament dad examinaziuns da documents novs sajan ins da la persvasiun ch'i dettia in suspect che Wulff haja profità illegalmain da privilegis. A Wulff vegn rinfatschà dad esser corrupt. Concret duai el avair acceptà schenghetgs e credits favuraivels nunlubidamain, ed avair prendì influenza en favur d'amis.

La chanceliera federala da la Germania Angela Merkel deplorescha la demissiun. Bild in Lightbox öffnen.

Legenda da maletgs: La chanceliera federala da la Germania Angela Merkel deplorescha la demissiun. Reuters

La chanceliera Angela Merkel deplorescha Curt suenter la communicaziun da Wulff ha era la chanceliera federala Angela Merkel prendì posiziun. Ella deploreschia la demissiun da Christian Wulff ed hagi grond respect per la decisiun dal el ch'haja adina represchentà la Germania da moda digna en il mund. (sda/dpa/uca)