Il conto da Ricardo "1.2...3meins" è bloccà

Il victur da l'aucziun dal hotel Belfort da ricardo.ch n'è anc betg vegnì eruì. Sco quai ch'il pledader da ricardo.ch Simon Marquard ha confermà ad RTR, sa tracti probabel d'ina persuna ch'haja fatg ina sgnocca.

L'utilisader da ricardo cun il num 1.2...3meins saja vegnì bloccà sin la pagina d'aucziun. Sch'il cumprader na po betg vegnir eruì enfin sonda, alura ha il segund plazzà il dretg dad acceptar l'aucziun. Sco quai ch'il directur da la chanzlia dal Principadi Belfort ha confermà, saja el anc adina da buna speranza da chattar in cumprader per il hotel Belfort, che ha in pretsch da cumpra da 2,7 milliuns francs. (rtr/fb)

L'avegnir dal hotel Belfort è anc adina intschert

Sonda saira è ida a fin l'aucziun da l'hotel Belfort ad Alvagnì. Per 10'010 francs è vegnì ingiantà sin la plattafurma d'internet ricardo.ch il dretg da cumpra exclusiv per l'hotel. La persuna che ha ingiantà il dretg n'è dentant betg enconuschenta.

Tuttina nagin ingiant dal Principadi

L'idea da vender sur Ricardo.ch il Principadi ed il Hotel Belfort ad Alvagni ha fatg naufragi. Sco quai che Thomas Kollegger, il directur da la chanzlia, ha ditg envers RTR, haja quai dà memia blers problems giuridics. Il project è dentant betg mort dal tuttafatg.

Hotel e Principadi vegn ingiantà per 2,7 milliuns

Mesemna saira a las 17:00 cumenza l'aucziun dal Hotel Belfort d'Alvagni. Quai è l'emprima giada, ch'ina immobiglia vegn ingiantada sin Ricardo.ch

Ricardo.ch venda il Principadi Belfort

Per l'emprima giada en l'istorgia da Ricardo.ch, èsi pussaivel d'ingiantar in hotel ed in Principadi tar la firma d'aucziuns. A chaschun da la festa annuala dal Principadi Belfort da venderdi saira, è l'idea vegnida preschentada.