Klausner sto demontar indrizs fin la fin dal 2012

La Klausner Holz Thüringen GmbH sto demontar tut ils indrizs sin l'areal da l'anteriura resgia gronda a Domat enfin la fin da quest onn. La dretgira chantunala conferma la decisiun da l'uffizi da concurs Plaun.

Fin la fin da l'onn ha la Klausner Holz Thüringen GmbH anc temp da demontar tut. Bild in Lightbox öffnen.

Legenda da maletgs: Fin la fin da l'onn ha la Klausner Holz Thüringen GmbH anc temp da demontar tut. RTR

La dretgira chantunala renviescha in recurs da la Klausner e da la firma Pfeifer ch'ha il dretg da bajegiar sin l'areal e sustegn uschia la decisiun da l'uffizi da concurs plaun. En cas impurtants possia quai termin vegnir prolungà, scriva la dretgira. Quellas prolungaziuns stoppia dentant lubir l'uffizi da concurs plaun. Cunter la decisiun da la dretgira chantunala pon la Klausner e la Pfeifer far recurs al tribunal federal entaifer ils proxims 10 dis.