Consequenzas per possessurs da guaud

La resgia a Domat è vendida, vegn demontada e transportada en Germania. Per ils possessurs da guaud da la Surselva munta quai ch'i na pon betg pli furnir lur laina a Domat.

La vischnanca da Sumvitg è la pli gronda possessura da guaud en Surselva. Bild in Lightbox öffnen.

Legenda da maletgs: La vischnanca da Sumvitg è la pli gronda possessura da guaud en Surselva. ANR, H. Huonder

Il pli grond possessur da guaud en Surselva è la vischnanca da Sumvitg. Walter Deplazes, il president communal da Sumvitg è trumpà da questa vendita. Sumvitg haja numnadamain era suttascrit in contract per furnir in tschert dumber da laina a la resgia a Domat. Ad onn pina Sumvitg 5'600 meters cubic laina ed ina part da quella gieva a la resgia gronda a Domat. Pretschs van probabel a bass Tge consequenza che quai haja ussa, na sappian ins anc betg dir, uschia Deplazes. Ussa saja da spetgar sin las reacziuns dals cumpraders da laina. Plinavat stoppian els quintar ch'ils pretschs da laina giajan a bass e quai massivamain. Sche quai vegnia uschè lunsch stoppian els reponderar ils tagls ch'èn planisads en ils guauds da Sumvitg. (sh/rtr)