Era suenter 75 onns betg stanchel

La mazlaria Peduzzi a Savognin festivescha oz ses giubileum da 75 onns. Il maister mazler Pietro Peduzzi maina il manaschi en la segunda generaziun. Il mument na pensan Pietro Peduzzi e sia dunna Adelia betg, da chalar.

Adelia e Pietro Peduzzi han ussa era ina purschida per ils vegetaris. Bild in Lightbox öffnen.

Legenda da maletgs: Adelia e Pietro Peduzzi han ussa era ina purschida per ils vegetaris. RTR, F. Belotti

La mazlaria Peduzzi al Stradun da Savognin. Bild in Lightbox öffnen.

Legenda da maletgs: La mazlaria Peduzzi al Stradun da Savognin. RTR, F. Belotti

A partir dad immediat venda la mazlaria da nov er spezialitads da pasta. "Nus vulain pussibilitar er a las persunas che n'han betg gugent charn, da vegnir en nossa butia", ha ditg Pietro Peduzzi.

Pietro ed Adelia Peduzzi han plaschair vi da la lavur

Il mument èn Pietro Peduzzi che ha 70 onns e sia dunna Adelia cuntents, da pudair manar vinavant il manaschi. "Enfin che jau sun saun ed enfin che jau hai l'agid da mia dunna e da la famiglia, alura faschain nus enavant", ha Pietro Peduzzi ditg plinavant. Els piglian in di suenter l'auter. "Insacura vegn quai ad esser a fin, or da la famiglia vain nus probabel nagina successiun", ha Pietro Peduzzi ditg. Ma el è da buna speranza, ch'e la mazlaria vegn ad exister vinavant, era cura che el e sia dunna Adelia chalan. (rtr/fb)

Pietro Peduzzi è losch sin la qualitad da sia charn. Bild in Lightbox öffnen.

Legenda da maletgs: Pietro Peduzzi è losch sin la qualitad da sia charn. RTR, F. Belotti