Il medi sto bandunar la val

Casti n'ha nagin medi da chasa pli. La vischnanca ch'è en possess da la chasa dal medi, ha visà il contract cun Dr. Bernd Hausmann sin la fin da settember. Ida ordavant è ina dispita da plirs onns.

La chasa dal medi a Casti ha dà bler da discurrer ils davos onns. Bild in Lightbox öffnen.

Legenda da maletgs: La chasa dal medi a Casti ha dà bler da discurrer ils davos onns. RTR, F. Belotti

L'onn 2009 vuleva la vischanca da Casti engrondir la purschida en la chasa dal medi ed offrir dapli pussaivladads als pazients. L'agid da muntogna svizzer avess sustegnì il project cun 310'000 francs. Perquai ch'il medi Bernd Hausmann na vuleva betg acceptar las cundiziuns, ha la vischnanca schlià il contract da locaziun. Grazia ad in recurs ha el pudì prolungar la durada da locaziun per dus onns. Las duas partidas èn sa cunvegnidas en ina enclegientscha extragiudiziala. Co i va enavant cun la chasa dal medi a Casti è il mument anc intschert. Tenor la presidenta communala da Casti, Patrizia Zanini, sajan ins en tractativas cun il spital da Savognin, che duai collavurar cun la vischnanca. Previs è che medis da Savognin lavuran temporarmain en la chasa dal medi a Casti. L'agid da muntogna na saja betg pli interessà vid ina collavuraziun cun la vischnanca da Casti, ha ditg Patrizia Zanini. (rtr/fb)

Nagin center da sanadad a Casti

Casti en Val Alvra na survegn nagin center da sanadad. En quest senn ha la suprastanza communala orientà la populaziun. Previs era d'installar il center da sanadad en la chasa dal medi che tutga a la vischnanca da Casti.