Rimnada da vestgadira veglia

Regularmain survegn‘ins satgs da rimnar vestgadira veglia en chascha da brevs. Normalmain la primavaira e l'atun, cura che blers midan gardaroba e cumpran vestgadira nova. Ina buna occasiun, da rabagliar davent la vestgadira ch'ins na vul betg pli e da far en il medem mument ina bun'ovra. Questa vestgadira veglia na vegn dentant betg tramessa en pajais dal Terz Mund e repartì gratuit a la populaziun indigena. La vestgadira vegn rimnada da firmas privatas, sortida e reciclada. Buna qualitad vegn vendida vinavant sco "secondhand". Schletta qualitad vegn tagliada e duvrada sco lumpas, u manizzada e duvrada sco product da basa per isolaziuns ed en l'industria da palpiri. 95% da tut la vestgadira rimnada mintg'onn en Svizra (60'000 tonnas), po uschia vegnir duvrada vinavant, mo 5% sto vegnir dismessa. Cun in pretsch da var 1 franc per kilogram, è la valita totala da questa vestgadira ca. 60 milliuns francs. Da quella summa van 8 enfin 9 milliuns francs a las organisaziuns d'agid, che mettan a disposiziun lur num, per dar ina fatscha a las rimnadas da vestgadira.

Rimnada da vestgadira veglia. Bild in Lightbox öffnen.

Legenda da maletgs: Rimnada da vestgadira veglia. Keystone