Savognin: Lavurs per pendiculara han cumenzà
- Mardi, 24.4.2012, 11:05
En il territori da skis da Savognin han cumenzà las lavurs en connex cun la construcziun d'ina pendiculara nova da Tigignas a Somtgant. Las lavurs da demontascha han'ins gia cumenzà.

Legenda da maletgs: La sutgera ed il runal, ch'èn plirs decennis vegls, vegnan ussa demontads. mad

Legenda da maletgs: Fotomontascha da la nova pendiculara da Savognin cun vista sin il Piz Mitgel. mad
Il mument èn ins vi dal demontar il runal e la sutgera veglia, ha ditg Vendelin Coray, il directur da las pendicularas da Savognin. En trais fin quatter emnas èsi previs da cumenzar a construir la nova pendiculara. Ella porscha plaz a 10 persunas pro gondla. L'atun avessan tut las lavurs d'esser a fin. Il project custa radund 11 milliuns francs. (fb/rtr)