Istorgia

Planisaziun e construcziun

Il viaduct tranter Ardez e Ftan, in da blers viaducts sin la lingia. Bild in Lightbox öffnen.

Legenda da maletgs: Il viaduct tranter Ardez e Ftan, in da blers viaducts sin la lingia. Viafier Retica

Suenter che la viafier da l'Alvra è stada bajegiada, è il basegn per ina lingia da viafier tras l'Engiadina creschì. Ils 27 da zercladur 1903 ha professer Dr. Friedrich Hennings survegnì l'incumbensa da la Viafier retica dad elavurar in project per ina lingia finanziabla e realisabla tras l'Engiadina. Friedrich Hennings ha era gia gì construì la lingia da l'Alvra e survegnì bler sustegn d'auters inschigners e tecnicists per ses nov project.

Inauguraziun

L'inauguraziun da la nova lingia era ils 28 e 29 da zercladur 1913. Bild in Lightbox öffnen.

Legenda da maletgs: L'inauguraziun da la nova lingia era ils 28 e 29 da zercladur 1913. mad

La primavaira 1909 han ins cumenzà da construir l'entira lingia. Ma igl ha era dà difficultads, sco per exempel ils problems nunspetgads cun perfurar il tunnel tranter Guarda e Scuol. La lingia è vegnida averta cun ina festa ils 28 e 29 da fanadur 1913.

Grev accident en la Val-Mela

L’onn 1911 hai dà in grev accident da lavur al viaduct da Val-Mela. Bild in Lightbox öffnen.

Legenda da maletgs: L’onn 1911 hai dà in grev accident da lavur al viaduct da Val-Mela. swiss-image.ch

Durant la construcziun da la lingia l'onn 1911 hai dà in grev accident da lavur. Al viaduct da la Val-Mela tranter Cinuos-chel e Brail è ina puntada da lain sballunada e 12 lavurers han pers la vita. La raschun exacta da l'accident n'è betg enconuschenta.