Il CORAL – in cumpendi da 500 onns chant da baselgia rumantsch

Sche Vus essas EngiadinaisA u inA da la Val Müstair avais segir era gia tegnì en maun quest cudeschet cotschen ch'ins chatta en mintga baselgia refurmada en Engiadina ed en Val Müstair: il CORAL. L'apparientscha dal CORAL, in fund cotschen vin, è fitg decenta. Il CORAL na fa nagina impressiun! El vesa or brav, lungurus e modest. Ma attenziun: il CORAL da l'Engiadina e la Val Müstair cuntegna paiver. En quest cudeschet chattainsa chanzuns che mettan a cor da s'engaschar cun mauns e pes per la libertad; nus scuvrin melodias subversivas; ina chanzun dal prim verd ed in spiritual rumantsch. Martin Luther sez è preschent – cun ina chanzun che para als blers tridischma. Percunter plascha la chanzun numer 15 "Meis bun pastur" a baud mintgin e mintgina. Ensemen cun Hans Peter Schreich, reverenda ed enconuschider da musica religiusa, scuvra Chatrina Gaudenz in pèr detagls picants en il CORAL da l'Engiadina e la Val Müstair. Redacziun: Chatrina Gaudenz

Il CORAL. Bild in Lightbox öffnen.

Legenda da maletgs: Il CORAL. RTR, T. Deflorin