85 milliuns francs per nov program d'informatica

Il Cussegl federal ha autorisà il departament da finanzas da dumandar in credit da passa 85 milliuns francs per in nov program d'IT per l'administraziun federala da taglia.

Il nov program FISCAL IT duai remplazzar il project grond INSIEME, ch'è ì da l'aua giu l'atun passà. Bild in Lightbox öffnen.

Legenda da maletgs: Il nov program FISCAL IT duai remplazzar il project grond INSIEME, ch'è ì da l'aua giu l'atun passà. Keystone

Il program nov cun il num FISCAL IT duai remplazzar enfin il 2019 pass per pass l'infrastructura d'IT antiquada da l'administraziun federala da taglia. Suenter ch'il project grond cun il num INSIEME è i da l'aua giu il settember 2012, vegn il nov program d'IT ussa structurà en 29 singuls project pitschens. Uschia duai il nov project pudair vegnir controllà pli rigurus. (sda/cs)