Quel ch'observa co che las muntognas creschan

Adrian Pfiffner - geolog "Tschertgais vus aur?", dumondan ils viandants adina puspè Adrian Pfiffner cura ch'el chamina cun il martè en maun per las muntognas. "E sch'jau scurlat il chau" suonda immediat: "chavais vus cristals?" Ma Adrian Pfiffner na tschertga ni aur ni cristals; el perscrutescha l'architectura da la terra.

Adrian Pfiffner Bild in Lightbox öffnen.

Legenda da maletgs: Adrian Pfiffner RTR

Il grip scroda immediat en sablun

Adrian Pfiffner vid la lavur Bild in Lightbox öffnen.

Legenda da maletgs: Adrian Pfiffner vid la lavur RTR

L'expertisa d'Adrian Pfiffner è adina dumandada, cura ch'i sto vegnir sclerì co ch'i vesa ora sut la surfatscha da la terra. En il rom da las lavurs per il nov tunnel da basa dal Gottard intercurescha el en tge profunditad che sa chatta il grip, u sch'igl è da quintar en la regiun da la foppa da Piora cun dolomit granellus era sin il nivel dal tunnel: "Igl è in grip terribel; el scroda immediat en sablun." "Nus modellain ils process che han furmà las muntognas dentant era al computer", di Adrian Pfiffner. "E nus lavurain a moda experimentala cun models analogs, damai en la sablunera." Là pon ins crear cun materialias sco sablun, cullas da vaider u materias sinteticas las pli differentas cundiziuns da partenza. En il tomograf computerisà da l'Inselspital sa mussa alura co che sa furman sut squitsch las pli diversas muntognas en format pitschen. Uschia pon ins observar co che las muntognas creschan.

Adrian Pfiffner

Adrian Pfiffner Bild in Lightbox öffnen.

Legenda da maletgs: Adrian Pfiffner RTR

- naschì l'onn 1947 a Cuira, maridà, trais uffants - studi da geologia e doctorat a la SPF da Turitg - 1979-87 prim assistent a l'universitad da Neuchâtel - dapi il 1987 professer per tectonica a l'universitad da Berna - dapi il 2001 directur da l'Institut per geologia - premi Schläfli 1984

Responsabels

Marella Bild in Lightbox öffnen.

Legenda da maletgs: Marella RTR

Realisaziun: Bertilla Giossi Camera: Margarethe Sauter Tun: Thomas Bruderer Tagl: Mirco Manetsch Musica: Franco Mettler Producent: Christian Eggenberger, SF