L'onn dal tartuffel

En connex cun l'onn dal tartuffel è il Radio Rumantsch sa regurdà da quest fritg cun ina pitschna seria. Tranter auter cun far ina visita en la fabrica da pommes chips da Zweifel, cun discutar cun in pur che metta tartuffels ubain cun preschentar in recept da tartuffels.

Tartuffels Bild in Lightbox öffnen.

Legenda da maletgs: Tartuffels RTR

Visita en la fabrica da pommes chips Zweifel

Oz giain nus a Spreitenbach en il chantun Turitg. Tgi n'enconuscha betg els, ils pommes chips da la firma Zweifel? Els vegnan producids en ina fabrica a Spreitenbach. Cunzunt il zercladur durant il campiunadi europeic da ballape han blers giudì ils pommes chips. Extra per l'EURO 2008 ha la Svizra importà 5'000 tonnas tartuffels dapli per ch'i dettia avunda pommes chips e pommes frites.

Claudio Gregori e ses er da tarfuffels

I dat paucs purs en il Grischun che mettan anc tartuffels. In dad els è Claudio Gregori da Bravuogn. El metta tartuffels dapi passa 20 onns. Claudio Gregori fa er part da projects spezials, per exempel dal project da la Pro Specie Rara.

Battist Spinatsch davart la situaziun dals tartuffels en il Grischun

Quest onn è l'onn dal tartuffel, quest fritg n'ha dentant betg pli la muntada ch'el aveva ina giada en l'Europa. Surtut en il Grischun datti mo anc paucs purs che mettan tartuffels. Quai per differents motivs. Oz discurrin nus cun Battist Spinatsch, cussegliader agricul davart la situaziun da metter tartuffels en il Grischun.

L'istorgia dal tartuffel

Tge è il tartuffel e danunder vegn el? Tge rolla ha el giugà en l'istorgia? Il tartuffel, u meglier ditg ina spezia da tartuffels datti dapi passa 10'000 onns. Nus avain intgins fatgs da l'istorgia dal tartuffel.

Recept tipic da l'Engiadina

Maluns, tartuffels brassads, buglia da tartuffels, pommes frites! Il tartuffel pon ins duvrar per differentas tratgas, quai vul dir: i dat tschients recepts cun tartuffels. Cilgia Nogler Pedrun ha rimnà recepts engiadinais en in cudesch che sa numna "La padella". In cudesch en ina ediziun da l'onn 2004 en versiun rumantscha e tudestga. Nus avain visità Cilgia Nogler Pedrun e guardà co ella fa "plain in pigna", in tipic recept engiadinais.

Las sorts tartuffels ch'i dat en il Migros e Coop

Tgi che cuschina tartuffels sa ch'i dovra differentas sorts tartuffels tut tenor tge tratga ch'ins cuschina. Tgi che fa buglia dovra auters tartuffels ch'in che fa pommes frites. Perquai giain nus oz en stizun a guardar tge differentas sorts tartuffels ch'i dat da cumprar.