La dunna cun la corna

Cuntrasts: "La duonna culla corna - In iert a New York" La glieud che vegn tar ella quinta istorgias da la vita talmain desastrusas, ch'ella na saja mintgatant quasi betg pli buna da tadlar ellas. Lura, bunamain a l'imprevis vegn menziunà in mument ventiraivel, in radi da sulegl sut ina muntogna da desasters e quai radi haja da far cun in iert.

La duonna culla corna Bild in Lightbox öffnen.

Legenda da maletgs: La duonna culla corna TvR

Sobriety Garden Bellevue Hospital Center a New York Bild in Lightbox öffnen.

Legenda da maletgs: Sobriety Garden Bellevue Hospital Center a New York RTR

Da trair endament, da laschar reviver quest sentiment, quai è la finamira da Kükka, Annatina Miescher, doctoressa psichiatra. Cun agid da ses pazients ha ella construì in iert. L'iert è daventà in punct vital per Kükka. Cura ch'ella turna da ses viadis da la Svizra en ils Stadis Unids ha ella las giaglioffas plain siemis da flurs da l'Engiadina. La Televisiun Rumantscha ha visità la psichiatra cun l'ureglin da corna da chamutsch a New York ed è turnada cun ina bulscha plain istorgias.

Bellevue Sobriety Garden Bild in Lightbox öffnen.

Legenda da maletgs: Bellevue Sobriety Garden TvR

Ils prims 5 onns da sia vita è Annatina Miescher, Kükka, creschida si a Basilea. Lura han ils geniturs midà a New York, nua ch'els han lavurà en il Bellevue Hospital Center. Per ils studis da medischina FMH è Annatina Miescher turnada en Svizra a Genevra. Ils studis sco psichiatra ha ella fatg en ils Stadis Unids da l'America. Oz docescha ella sper sia lavur en l'ospital a l'universitad da New York.