CUMCO examinescha ussa 25 impressaris e l'uniun

La cumissiun da concurrenza federala CUMCO ha schlargià las inquisiziuns cunter impressaris en il Grischun. Da nov marschan inquisiziuns per cunvegnas illegalas cunter 25 impressaris, plirs biros d'inschigners ed era l'Uniun dals impressaris grischuns.

Dapi l'avrigl ha la CUMCO schlargià las inquisiziuns en 8 ulteriuras firmas da construcziun en l'entir Grischun. Bild in Lightbox öffnen.

Legenda da maletgs: Dapi l'avrigl ha la CUMCO schlargià las inquisiziuns en 8 ulteriuras firmas da construcziun en l'entir Grischun. Keystone

Gia l'october 2012 aveva la cumissiun da concurrenza federala CUMCO instradà emprimas inquisiziuns. Lura cunter totalmain 17 firmas en il Grischun, surtut en l'Engiadina Bassa. Pertutgadas èn tranter autras las interpresas Foffa Conrad SA, Bezzola Denoth SA, l'Implenia e Lazzarini SA. 8 impressaris dapli - e l'Uniun dals impressaris dal Grischun L'avrigl ha la CUMCO ussa schlargià las inquisiziuns. Sco quai che la CUMCO publitgescha en il Fegl uffizial federal da commerzi èsi ussa 8 impressaris supplementars che vegnan integrads en las inquisiziuns. Tranter questas èn las firmas Walo Bertschinger, la gruppa Zindel e la Schlub SA. Era confruntads cun inquisiziuns èn plirs biros d'inschigners e l'Uniun dals impressaris grischuna. Suspect: cunvegnas illegalas davart pretschs ed offertas Las renfatschas da la CUMCO: I dettia indizis per cunvegnas illegalas tranter las firmas. Cunvegnas davart offertas e la repartiziun da projects e clients. Cun la publicaziun dals nums dat la CUMCO la chaschun a terzs pertutgads da far part a la procedura cun s'annunziar aifer ils proxims 30 dis. Fin 10% da la svieuta Sche la CUMCO po cumprovar ch'i ha dà cunvegnas nunlubidas tranter las interpresas, po ella decretar multas. Tenor la lescha pon quellas cuntanscher fin 10 % da la svieuta che l'interpresa ha fatg ils davos 3 onns. (rtr/rm/uca) Las firmas pertutgadas: 30-10-2012: - Alfred Laurent AG - Bezzola Denoth AG - Fabio Bau GmbH - Foffa Conrad AG - Implenia Bau AG - Impraisa da fabrica Margadant - Impraisa Mario GmbH - Hew AG Bauunternehmung Chur - Koch AG Ramosch - Lazzarini AG - Palatini AG Untervaz - René Hohenegger Sarl - Zeblas Bau AG - Marcus Wetzel - Rusena-Betun SA - Sosa gera SA - Uina SA - Graubündnerischer Baumeisterverband (GBV) - Ingenieurbüros 22-04-2013 - Käppeli's Söhne AG - Catram AG - Cellere AG Graubünden - KIBAG Bauleistungen AG - Schlub AG Nordbünden - Toldo Strassen- und Tiefbau AG - Walo Bertschinger AG - Zindel Gruppe AG

Inquisiziuns en l'entir Grischun

La cumissiun da concurrenza WEKO extenda sias examinaziuns cunter interpresas grischunas da construcziun bassa ed auta. Sco quai che la cumissiun communitgescha, dettia quai indizis che ulteriuras interpresas grischunas sajan sa cunvegnidas davart pretschs per uschia coordinar projects e reparter clientella.

Investigaziun cunter pliras interpresas da construcziun

La cumissiun da concurrenza CUMCO investighescha en l'Engiadina Bassa cunter pliras interpresas da construcziun. Mesemna e gievgia ha ella intercurì ils biros da pliras interpresas.