Klausner Holz: pajà milliuns restants per resgia da Domat
- Mesemna, 13.7.2011, 11:35
La Klausner Holz Thüringen GmbH ha pajà ier er ils ultims 11,5 milliuns francs per la resgia gronda a Domat. Quai inclusiv ils 5 pertschient tschains da retard, communitgescha l'uffizi da concurs dal circul Plaun. L'administratura dal concurs aveva lubì a la Klausner Holz Thüringen GmbH da pajar ils daners restants fin questa gievgia. Gia l'emprim da fanadur aveva l'interpresa da la Germania paja in aquint dad 8,5 milliuns francs a l'administratura. (fa/rtr)
Legenda da maletgs: L'areal da la resgia gronda a Domat. Keystone