Josias Just

Premi da renconuschientscha per las prestaziuns excellentas sco clarinettist solist e sco musicist da chombra sin plaun naziunal ed internaziunal.

Josias Just. Bild in Lightbox öffnen.

Legenda da maletgs: Josias Just. mad

Biografia

Josias Just è naschì 1953 a Tusaun. Cun 7 onns ha el cumenzà a sunar flauta e trais onns suenter la clarinetta. Cun ses dus frars ha Josias Just furmà la chapella Justbuoba. Suenter la scola ha el fatg l'emprendissadi da serrer da maschinas. La scola da recruta ha el absolvì sco trumbettist. L'onn 1973 ha Josias Just cumenzà il studi da clarinetta al conservatori a Lucerna. In ulteriur studi ha el fatg a Vienna. Dapi 1973 è el era commember da la chapella Oberalp. 1977 ha Josias Just aquistà il diplom da scolast e 1981 il diplom da solist. Oz è Josias Just solist da clarinetta en l'orchester da chombra da Turitg. Dasperas instruesch el a la scol'auta d'art ed al conservatori da Turitg, al seminari da scolasts a Cuira sco era a la scola da musica da Cuira.