Forum cun Chasper Pult – La Biennale di Venezia

Mintga dus onns daventa Venezia il center da l'art contemporana mundiala. Era la 55avla ediziun preschenta bleras surpraisas en il vegl arsenal u en ils pavillons naziunals. L'art è savens il spievel da la societad, in artist russ fa per exempel plover marenghins sco critica al chapitalissem sfranà. Tar la Spagna chatt'ins ina muschna da crappa che impedescha quasi d'entrar e la Belgia preschenta in "bös-ch crümpel": ina planta struptgada che sumeglia ad in uman blessà. E sin l'Isola San Giorgio spetgan las balottas da naiv da vaider da Not Vital! Redacziun: Chasper Pult

Chasper Pult. Bild in Lightbox öffnen.

Legenda da maletgs: Chasper Pult.