Di da festa per ils parochians da Vuorz

Durant dus onns è la baselgia evangelica da Vuorz vegnida renovada ordadora ed endadens. Ins ha reparà il tetg e fessas, dà colur alva a las preits, fatg pli cumadaivel ils bancs e schubregià ils maletgs. Custà ha la renovaziun 830'000 francs; quai ha Ivan Walther, il plevon da Vuorz ditg al Radio Rumantsch. La mesadad dals custs surpiglia la baselgia evangelica dal chantun ed il rest la tgira da monuments sco era donaturs. Necessaria saja la renovaziun stada per betg periclitar ils frescos dal 14avel tschientaner, per ils quals la baselgia da Vuorz è enconuschenta. Cun ina festa d'inauguraziun vegn festegiada oz la fin da las lavurs. (pk)

Baselgia da Vuorz endadens Bild in Lightbox öffnen.

Legenda da maletgs: Baselgia da Vuorz endadens RTR