Pro Natura e WWF vesan alternativas tar l'energia atomara

La Svizra na dovra nagina energia atomara. Da quai èn persvadidas la presidenta da la Pro Natura Silva Semadeni e la mainafatschenta dal WWF Grischun Anita Mazzetta. Ins stoppia en emprima lingia spargnar energia e bajegiar pli effizient, mo era promover energias regenerablas.

In parc da rodas da vent sco planisà en Lumnezia fetschia senn. Bild in Lightbox öffnen.

Legenda da maletgs: In parc da rodas da vent sco planisà en Lumnezia fetschia senn. RTR, L. Livers

Critica fallada vers organisaziuns d'ambient Silva Semadeni ed Anita Mazzetta na laschan betg valair la critica che las organisaziuns d'ambient impedeschian cun lur recurs projects innovativs. I saja l'incumbensa da la Pro Natura da far recurs sche necessari, pia sche las leschas actualas na vegnian betg resguardadas, di Silva Semadeni. Ed Anita Mazzetta agiunta ch'il WWF Grischun fetschia di per di cumpromiss cura ch'i giaja per lubientschas da bajegiar per implants electrics. Coordinar indrizs per producir energia Per l'avegnir duai in plan directiv per il Grischun coordinar las dumondas per exempel per installar rodas da vent. I saja ina buna idea da realisar in parc da vent sco planisà en Lumnezia. I na portia dentant nagut e fetschia donn a l'ambient sche las rodas da vent vegnan installadas dapertut enturn en il Grischun, din Silva Semadeni ed Anita Mazzetta. (ec/rtr)