Bogn da cura senza center da terapia medicinal

La Bäder AG, na vul sut las cundiziuns actualas betg prolungar il contract cun il MTZ, il center da terapia medicinal. Il contract da locaziun scada la fin matg 2017. Il MTZ maina per il mument il bogn da cura, il Heilbad, a San Murezzan.

Tenor Raimund Kirchleitner, CEO da la Bäder AG na saja il MTZ betg pli il gist partenari per manar il bogn. Els sa vulan laschar la libertad da chattar in nov mainagestiun che ha ideas sumegliantas per l'avegnir, vul dir, sa focusar sin in futur cun in concept modern ed adattà al 2014. Futur dal bogn è segirà Tenor Raimund Kirchleitner na vul quai betg dir ch'i na dat nagin bogn da cura pli. Quest vegn ad exister vinavant, ma senza MTZ. Lez da sia vart tema per la tradiziun, sco quai ch'il manader Roland Eberhard ha ditg. El ha tema che in nov mainagestiun è la fin per il bogn da cura. Gia ina giada, il 2002, steva quel avant la fin. Lasuenter ha el fundà il MTZ e surpiglià la gestiun. Sonda proxima ha perquai lieu ina radunanza generala publica dal MTZ, nua che l'avegnir duess vegnir discutà. (rtr/vr)