Dis da film da Soloturn

Onn per onn dattan ils dis da film da Soloturn l'entschatta dals numerus festivals da film svizzers. Davent dals 21 enfin ils 27 da schaner 2008 è la pitschna citad da Soloturn sa midada per in'emna en la chapitala dal film svizzer. Il festival è vegnì manà tras per la 43avla giada.

Dis da film da Soloturn Bild in Lightbox öffnen.

Legenda da maletgs: Dis da film da Soloturn RTR

Il program per ils dis da film da Soloturn è enconuschent

Rollas da film Bild in Lightbox öffnen.

Legenda da maletgs: Rollas da film Pixelio.de

Bun e bain 300 films da tut gener èn da vesair a chaschun da la 43avla ediziun dals dis da film a Soloturn. 114 da quels èn premieras svizras. A quest festival da films mussa era la Televisiun Rumantscha trais films. Numnadamain "Uorsin Superstar", "Sontga Barla ed autras" e "Daniel Vasella - in grischun". La retrospectiva undrescha quest onn l'enconuschent actur Walo Lüond. Sco film d'avertura ha la direcziun tschernì il film d'animaziun "Max & Co". Il punct culminant dal festival vegn era quest onn ad esser la surdada dal premi dal film svizzer. En la categoria dal meglier actur è era il rumantsch Bruno Cathomas vegnì nominà.

Dis da film a Soloturn

Dis da film da Soloturn Bild in Lightbox öffnen.

Legenda da maletgs: Dis da film da Soloturn RTR

Mintg'onn fan ils dis da film da Soloturn il cumenzament dals numerus festivals da film svizzers. Davent dals 21 da schaner èsi puspè uschè lunsch. Lura sa mida la citad da Soloturn per in'emna en la chapitala dal film svizzer.