Tour de Suisse 2007

Dals 16 enfin ils 24 da zercladur 2007 han ils velocipedists traversà per la 71avla giada la Svizra. Il Tour de Suisse ha cumenzà quest onn ad Olten ed è ì a fin a Berna.

Logo Tour de Suisse Bild in Lightbox öffnen.

Legenda da maletgs: Logo Tour de Suisse RTR

Wladimir Karpets è il victur dal Tour de Suisse 2007

Wladimir Karpets è il victur dal Tour de Suisse 2007 Bild in Lightbox öffnen.

Legenda da maletgs: Wladimir Karpets è il victur dal Tour de Suisse 2007 Keystone

Il russ Wladimir Karpets ha gudagnà il Tour de Suisse 2007. Il svizzer Fabian Cancellara ha gudagnà la davosa etappa, ina cursa cunter l'ura da 33,7 kilometers a Berna. En la davosa etappa ha Karpets pudì sa megliurar dal terz sin l'emprim plaz. Segund è Kim Kirchen dal Luxemburg e terz il belgiais Stijn Devolder.

Cancellara vul gudagnar l'etappa finala dal TdS

Fabian Cancellara Bild in Lightbox öffnen.

Legenda da maletgs: Fabian Cancellara Keystone

Oz è il davos di dal Tour de Suisse (TdS). Per il "maillot jaune" e la victoria dal TdS vegnan sis ciclists en dumonda, numnadamain Wladimir Efimkin (Russia), Kim Kirchen (Luxemburg), Wladimir Karpets (Russia), Marreo Carrara (Italia), Fränk Schleck (Luxemburg) e Damiano Cunego (Italia). Tgi che gudagnass dentant oz il pli gugent la davosa etappa dal TdS è il svizzer Fabian Cancellara, campiun mundial en la cursa cunter l'ura.

Rigoberto Uran gudogna la 8avla etappa dal TdS

Uran gudogna l'8tgavla etappa dal TdS Bild in Lightbox öffnen.

Legenda da maletgs: Uran gudogna l'8tgavla etappa dal TdS Keystone

Il columbian Rigoberto Uran gudogna la 8avla etappa dad Innertkirchen a Schwarzsee dal Tour de Suisse (TdS). Il giuven da 20 onns ha pudì mitschar da la gruppa paucs tschient meters avant l'arrivada. Il russ Wladimir Efimkin resta tar la segund davosa etappa dal TdS sin l'emprim plaz cun in avantatg da 24 secundas sin Kim Kirchen.

Wladimir Gusev gudogna l'etappa roiala (22-06-2007)

Wladimir Gusev gudogna l'etappa roiala Bild in Lightbox öffnen.

Legenda da maletgs: Wladimir Gusev gudogna l'etappa roiala Keystone

La 7avla etappa dad Ulrichen fin sin il Pass dal Grimsel gudogna il russ Wladimir Gusev duas minutas avant l'american Chris Horner. Il svizzer Zberg cuntanscha il fitg bun 5avel plaz. Wladimir Efimkin po cumbatter il "maillot jaune".

La 7avla etappa dal TdS sur trais pass

Hospiz sin il Pass dal Grimsel Bild in Lightbox öffnen.

Legenda da maletgs: Hospiz sin il Pass dal Grimsel Picswiss.ch

Oz ha gì lieu la 7avla etappa, la uschè numnada "etappa roiala" dal Tour de Suisse (TdS). Ella mania davent dad Ulrichen en il Vallais sin il Pass dal Grimsel sur ina distanza da 126 kilometers. Ils ciclists ston surmuntar trais pass: il Pass dal Furka, dal Susten ed il Pass dal Grismel. Il RR rapporta directamain dal TdS.

Fabritgar si e giu il Tour de Suisse Village

Tour de Suisse Village Bild in Lightbox öffnen.

Legenda da maletgs: Tour de Suisse Village RTR

Enfin dumengia cuzza il Tour de Suisse. Dasper ils ciclists è er sin viadi ina vischnanca entira, il uschenumnà Tour de Suisse Village - il lieu d'inscunter dals fans da velo e dals giasts e dals sponsurs. L'entira vischnanca da tendas vegn fabritgada si e puspè giu en mintga lieu d'etappa. In che fa quella lavur è er Andrea Degienaro da Scuol, nus avain discurrì cun el.

Thomas Dekker gudogna la 6avla etappa dal TdS

Thomas Dekker Bild in Lightbox öffnen.

Legenda da maletgs: Thomas Dekker RTR

L'ollandais Thomas Dekker gudogna la 6avla etappa dal Tour de Suisse (TdS). L'etappa è vegnida scursanida da 192 sin 95 kilometers pervi da granella e plievgia. Il victur dal Tour de Romandie ha attatgà 21 kilometers avant l'arrivada a Crans-Montana ed ha gudagnà cun otg segundas avant il segund Gerrit Glomser da l'Austria. Suenter quest'etappa surprenda il russ Wladimir Efimkin il "maillot jaune" da Schleck.

Interrut il TdS pervi da granella e plievgia

Ciclists cun la mondura da plievgia Bild in Lightbox öffnen.

Legenda da maletgs: Ciclists cun la mondura da plievgia Keystone

La 6avla etappa dal Tour de Suisse (TdS) da Giubiasco a Crans-Montana en il Vallais è vegnì interrut pervi da granella e plievgia pauc suenter la partenza. Ils ciclists han retschavì effusiun da sang tar bratscha e chommas. Suentermezdi a las 15.00 è il TdS danovamain partì davent dad Ulrichen. Ins ha stgassà la part sur il Pass dal Nufenen pervi da dubis da segirezza sut las cundiziuns actualas. Il TdS è uss sa reducì da 190 sin 95 kilometers. Il RR rapporta en direct dal Tour de Suisse.

TdS passa la Surselva - impressiuns dals aspectaturs a l'ur da la via

Aspectaturs a l'ur da la via Bild in Lightbox öffnen.

Legenda da maletgs: Aspectaturs a l'ur da la via tds.ch

Ier suentermezdi è la 5avla etappa dal Tour de Suisse passà da Vaduz tras la Surselva sur il pass dal Lucmagn a Giubiasco en il chantun Tessin. Sco adina hai a l'ur da la via dà bleras persunas che han persequità quai sepctacul. Il Radio Rumantsch è stà ier suentermezdi en diversas vischnancas da la Surselva ed ha rimnà impressiuns.

Robbie McEwen gudogna la 5avla etappa dal TdS (20-06-2007)

Robbie McEwen Bild in Lightbox öffnen.

Legenda da maletgs: Robbie McEwen Keystone

L'australian Robbie McEwen gudogna la 5avla etappa dal Tour de Suisse (TdS) da Vaduz a Giubiasco sur 193 kilometers. Segund vegn Daniele Bennati da l'Italia, terz il tudestg Erik Zabel. Gregory Rast daventa 6avel, Martin Elmiger 9avel. Fränk Schleck resta sin l'emprima plazza e po tegnair il "maillot jaune".

5avla etappa dal TdS: da Vaduz fin a Giubiasco

Giubiasco è l'arrivada da la 5avla etappa dal Tour de Suisse Bild in Lightbox öffnen.

Legenda da maletgs: Giubiasco è l'arrivada da la 5avla etappa dal Tour de Suisse RTR

La 5avla etappa al Tour de Suisse (TdS) ha lieu da Vaduz a Giubiasco sur 193 kilometers. En questa etappa porta Fränck Schleck il "maillot jaune". Il Radio Rumantsch è a l'arrivada da Giubiasco e rapporta tge che curra e passa.

Plazzals in sper l'auter sin las vias en Surselva

Rundella a Laax Bild in Lightbox öffnen.

Legenda da maletgs: Rundella a Laax TvR

Oz ha gì lieu la 5avla etappa dal Tour de Suisse. Quella ha manà da Vaduz a Giubiasco en il Tessin. La gronda part dals 193 km tras il Grischun'han manà oravant tut tras la Surselva. Atgnamain nagut spezial. Spezial è dentant la situaziun che regia per il mument sin via. In plazzal suenter l'auter sa chatta sin las vias da la Surselva siadora.

Impressiuns dals differents emetturs da radio e televisiun

Um da camera sin in töf Bild in Lightbox öffnen.

Legenda da maletgs: Um da camera sin in töf tds.ch

Il Tour de Suisse è il pli grond eveniment da sport en Svizra. Dieschmillis persequiteschan la cursa per lung dals trajects. Plirs milliuns taidlan u guardan durant quest'emna il Tour de Suisse al radio u a la televisiun. La cursa tras la Svizra vegn emessa en tut l'Europa. Circa 180 schurnalistas procuran durant quest'emna ch'il Tour de Suisse saja omnipreschent. Nus dain in sguard tar ils radios e las televisiun preschentas.

Schleck maina il Tour de Suisse (19-06-2007)

Fränk Schleck Bild in Lightbox öffnen.

Legenda da maletgs: Fränk Schleck Keystone

Il luxemburgais Fränk Schleck gudogna la quarta etappa dal Tour de Suisse dad oz che ha manà da Danuder/Nauders a Malbun sur 167 kilometers. Segund vegn il russ Wladimir Efmkin e terz vegn il spagnol José Angel Gomez Marchante. Fabian Cancellara perda passa diesch minutas e perda il "maillot jaune" a ses collega da squadra Fränk Schleck.

Cancellara n'è betg pli a la testa dal Tour de Suisse

Fabian Cancellara Bild in Lightbox öffnen.

Legenda da maletgs: Fabian Cancellara fabian-cancellara.ch

La quarta etappa dal Tour de Suisse dad oz ha manà da Danuder/Nauders tras il Principadi dal Liechtenstein cun arrivada a Malbun. En il classament general datti oz midadas. Fabian Cancellara na resta betg a la testa. Nus avain discurrì cun Cancellara, il meglier ciclist svizzer, curt avant l'etappa.

Il Tour de Suisse en l'exteriur

Danuder/Nauders Bild in Lightbox öffnen.

Legenda da maletgs: Danuder/Nauders RTR

200 ciclists da las meglras squadras dal mund procuran per spectacul sin las vias helveticas. Il Tour de Suisse na passa però betg be tras tut las quatter regiuns linguisticas e culturalas da la Svizra, mabain fa era fermativa en l'ester. Ier è il caravana arrivà a Danuder/Nauders.

Victoria per Proni (18-06-2007)

Alessandro Proni Bild in Lightbox öffnen.

Legenda da maletgs: Alessandro Proni Keystone

Alessandro Proni gudogna la terz'etappa da Brunnen a Nauders ch'è la pli lunga etappa dal Tour de Suisse sur bunamain 228 kilometers. Segund vegn il spagnol Xavier Florencio, terz Kim Kirchen dal Luxemburg. Fabian Cancellara resta a la testa dal classament general cun in avantatg da duas secundas.

Il song dal Tour de Suisse

Ils anteriurs candidats da MusicStar Brian e Sandro "BäreBündnis" Bild in Lightbox öffnen.

Legenda da maletgs: Ils anteriurs candidats da MusicStar Brian e Sandro "BäreBündnis" RTR

Per ch'ils ciclists dal Tour de Suisse na perdian betg il tact tar lur cursas duai la chanzun uffiziala procurar. Il song dal Tour de Suisse da quest onn vegn da la band "BäreBündnis".

Fabian Cancellara resta prim al Tour de Suisse

Bennati (sanester), Cancellara (mez) e Zabel (dretg) Bild in Lightbox öffnen.

Legenda da maletgs: Bennati (sanester), Cancellara (mez) e Zabel (dretg) sf

Il victur dal prolog è vegnì terz en la segunda etappa dad Olten a Lucerna e ha defendì il tricot mellen. Gudagnà l'etappa da sprint ha il tudestg Erik Zabel avant il talian Daniele Bennati ch'è gia ier stà segund. En il classement general maina Cancellara 7 secundas avant Bennati.

Cancellara gudogna il prolog dal 7avel Tour de Suisse (16-06-2007)

Fabian Cancellara Bild in Lightbox öffnen.

Legenda da maletgs: Fabian Cancellara Keystone

Il svizzer Fabian Cancellara ha gudagnà il prolog dal 7avel Tour de Suisse. Il campiun mundial en la cursa è stà il pli spert sin il tschancun da 3.8 kilometers tras la citad dad Olten. Segund daventa il talian Daniele Bennati e terz è il spagnol Jose Ivan Guiterrez. Segund meglier svizzer è Martin Elmiger sin plaz 7.

Il Tour de Suisse ha cumenzà cun il prolog ad Olten

Fabian Cancellara Bild in Lightbox öffnen.

Legenda da maletgs: Fabian Cancellara Keystone

Il 71avel Tour de Suisse ha cumenzà cun il prolog ad Olten: ina cursa cunter l'ura da 3.8 km. Curt avant las set vegn ins a savair tgi che porta l'emprim maillot jaune dal Tour de Suisse 2007. Favurit en il prolog è il svizzer Fabian Cancellara.

Preschentaziun da las squadras dal Tour de Suisse

Tour de Suisse Bild in Lightbox öffnen.

Legenda da maletgs: Tour de Suisse Keystone

Las preperativas per il pli grond eveniment da sport en Svizra èn fatgas. Ils trajects èn enconuschents ed ils responsabels han preschentà ils nums da las squadras ed ils differents atlets che prendan part al Tour de Suisse.