Proxima fermada: Engiadina

100 onns viafier en Engiadina La lingia da Bever–Scuol-Tarasp colliescha l'Engiadina Bassa cun la viafier dal Bernina e da l'Alvra. Quest onn festivescha questa lingia il giubileum da 100 onns. Dapi che l'idea è naschida, è succedì bler sin la lingia cun ina lunghezza da 49.41 km. Oz è questa lingia fitg impurtanta tant per il traffic da persunas sco era per il traffic da martganzia.

Radiotelevisiun Svizra Rumantscha è sa messa en viadi dals 23 da zercladur fin ils 1 da fanadur 2013, per raquintar istorgias tranter Bever e Scuol.

Contribuziuns ed emissiuns

Per 100 onns viafier en Engiadina sa metta Radiotelevisiun Svizra Rumantscha en viadi per emetter istorgias tranter Bever e Scuol. Raquinta tge che motivescha il club 1889 da restaurar vaguns e locomotivas veglias e ha discurrì cun glieud che han lavurà pli baud tar la Retica e cun da quella che lavuran ussa tar la Retica. Plinavant ha RTR vulì savair pertge che questa lingia è fitg impurtanta tant per il traffic da persunas sco era per il traffic da martganzia.

Fatgs da la lingia Bever – Scuol-Tarasp

La lingia da Bever – Scuol-Tarasp posseda in pèr fatgs remartgabels. Ella ha per exempel ina differenza d'autezza da 424m. Il punct il pli aut è Bever cun 1710m ed il punct il pli bass è Scuol-Tarasp cun 1286m. Qua anc dapli fatgs interessants.

Terms impurtants da la lingia da Bever fin Scuol-Tarasp

Dapi che dr. Friedrich Hennings ha survegnì il fanadur 1903 l'incumbensa per il project "nova lingia da viafier da Bever – Scuol-Tarasp" è bler succedì en l'istorgia da questa lingia. Qua ina cronica cun ils terms ils pli impurtants.

L'electrificaziun da la Viafier retica

Betg mo la lingia da Bever – Scuol-Tarasp festivescha 2013 ses giubileum. Cun l'entschatta da la lingia da Bever – Scuol-Tarasp ha er cumenzà ils 1. da fanadur 1913 in'emprova cun viafiers electrifitgadas. La Viafier retica ha vulì rimnar experientschas sin las lingias engiadinaisas per pudair decider d'electrifitgar tut las lingias u betg.

(fh)