Biro da turissem mida localitads

A Mustér è il biro d'infurmaziun da turissem, che sa chatta amez il vitg, serrà. Ils proxims dis vegn l'inventar bardiglià en ils biros da las pendicularas da Mustér. Là vegn Sedrun Mustér Turissem a porscher davent dad ussa ses servetschs als osps.

Hans-Kaspar Scharzenbach vid rumir ses biro. Bild in Lightbox öffnen.

Legenda da maletgs: Hans-Kaspar Scharzenbach vid rumir ses biro. RTR, G. Hosang

Ils servetschs vegnan dentant era purschids a la staziun da la Viafier retica a Mustér. Tant a la staziun, sco er tar las pendicularas vegni avert, durant ils dis nua ch'i vegn spetgà blers osps, in spurtegl separà per ils servetschs da Sedrun Mustér Turissem. Cura ch'igl ha paucs osps, surpiglian ils collavuraturs dals spurtegls da las pendicularas sco era da la staziun quests servetschs. Sco Hans-Kaspar Schwarzenbach di, datti ina raschun principala per far quest pass. Tant ils spurtegls da las pendicularas Mustér, sco era quels da la staziun da la Viafier retica èn averts 7 dis ad emna. Quai munta in grond schlargiament dals temps d'avertura per ils osps. Enfin ussa era il biro averts la sonda mo per paucas uras e la dumengia insumma betg. (rtr/gh)