La rembladra Angelina Casanova

En il sport da remblar ha la Svizra gì enfin oz il pli bler success a gieus olimpics da stad. Als gieus olimpics da l'onn 2012 a Londra pudess er ina rembladra rumantscha far furori. Angelina Casanova che ha 21 onns tutga tar ina gruppa rembladers che la Svizra vul bajegiar si en vista a quels gieus olimpics. Il sport dal Radio Rumantsch ha deditgà ina seria ad Angelina Casanova. Ella ha raquintà co ch'ella è vegnida tar il sport da remblar e tge finamiras ch'ella ha per il campiunadi mundial U 23 ed insumma per sia carriera sportiva. La lumneziana ch'è creschida si a Turitg ha plinavant declerà las particularitads dal sport da remblar.

La rembladra Angelina Casanova Bild in Lightbox öffnen.

Legenda da maletgs: La rembladra Angelina Casanova Camille Codoni

In trenament sin il lai da Turitg

Angelina Casanova durant in trenament la damaun marvegl Bild in Lightbox öffnen.

Legenda da maletgs: Angelina Casanova durant in trenament la damaun marvegl Camille Codoni

Angelina Casanova è ina da las pli talentadas giuvnas en il sport da remblar en Svizra. Ma be talent na tanscha betg. Perquai trenescha Angelina Casanova enfin 12 giadas l'emna, per regla mintgamai la damaun marvegl e la saira. Da stad e d'enviern. E per trenar la damaun baud sin il lai da Turitg hai num levar ad uras. Il Radio Rumantsch è stà a guardar in trenament la damaun a la sis sin il lai da Turitg.

La carriera dad Angelina Casanova

Il sport da remblar Bild in Lightbox öffnen.

Legenda da maletgs: Il sport da remblar Camille Codoni

La fin d'emna che vegn è Angelina Casanova en acziun al campiunadi mundial U 23 en Tschechia. La giuvna lumneziana ch'è creschida si a Turitg va a la partenza en il skif en il pais lev. Quai vul dir ch'ella sesa suletta en ina bartga cun duas palas. Oz ans fatschentain nus cun sia carriera d'atleta da remblar. Dentant co è Angelina Casanova insumma vegnida tar il sport da remblar?

Atgnadads dal sport da remblar e la clav al success

Tgi che vul avair success sto era trenar fitg Bild in Lightbox öffnen.

Legenda da maletgs: Tgi che vul avair success sto era trenar fitg Camille Codoni

Oz ans fatschentain nus cun las atgnadads dal sport da remblar e nus vulain plinavant savair tge ch'i dovra per avair success. Al campiunadi mundial dals atlets sut 23 onns en Tschechia va Angelina Casanova a la partenza en il skif en il pais lev. Tge è quai insumma, in skif?

Il campiunadi mundial U 23 en Tschechia

Intervista cun Angelina Casanova Bild in Lightbox öffnen.

Legenda da maletgs: Intervista cun Angelina Casanova Camille Codoni

Oz ha il campiunadi mundial da remblar per ils atlets da sut 23 onns cumenzà. Da la partida a Roudnice en Tschechia è er Angelina Casanova che ha 21 onns e viva a Schlieren. Il Radio Rumantsch ha discurrì cun Angelina Casanova avant sia partenza ed ha vulì savair dad ella sch'ella giaja cun in bun sentiment en Tschechia.