Viadi d'auditurs

Il Radio Rumantsch e la Pagina da Surmeir sin viadi cun lur auditurs e lecturs Passau-Vienna-Budapest-Bratislava-Wachau-Passau quai è stà il program da viadi dals 20 enfin ils 27 d'avrigl 2008. Il Radio Rumantsch ha rapportà da las cuntradas a l'ur dal Danubi, da las differentas citads sco Vienna, Budapest u Bratislava. Plinavant avain nus er rapportà davart il bastiment cun tut ses indrizs tecnics.

Danubi Bild in Lightbox öffnen.

Legenda da maletgs: Danubi webtravel.ch

Viadi d'auditurs sin il Danubi

Pool sin il bastiment Bild in Lightbox öffnen.

Legenda da maletgs: Pool sin il bastiment RTR, C. De Pedrini

Dumengia suentermezdi, ils 20 d'avrigl è stà l'embartgament sin il bastiment-hotel A-ROSA RIVA a Passau. Il glindesdi suentermezdi è il bastiment arrivà a Vienna, la metropola dal Danubi.

Viadi d'auditurs sin il Danubi

Chastè Schönbrunn a Vienna Bild in Lightbox öffnen.

Legenda da maletgs: Chastè Schönbrunn a Vienna RTR, C. De Pedrini

Il mardi èn ils participants stadss a Vienna, ina citad plain scharm. Avantmezdi ha gì lieu ina visita tar il chastè da Schönbrunn, il domicil preferì da l'imperatura Maria Theresa. Mardi saira ha il viadi sin il bastiment lura cuntinuà en direcziun da l'Ungaria.

Viadi d'auditurs sin il Danubi

Oscar Knapp e sia dunna Elisabetta Bild in Lightbox öffnen.

Legenda da maletgs: Oscar Knapp e sia dunna Elisabetta RTR, C. De Pedrini

Mardi saira han ils participants pudì visitar Oscar Knapp e sia dunna Elisabetta, l'ambassadur svizzer a Vienna. Claudio De Pedrini cun impressiuns da quai eveniment. La mesemna en damaun è il bastiment sa fermà ad Esztergom. Alura ha il viadi sin il bastiment cuntinuà enfin a Budapest, il bastiment è restà mesemna sur notg a Budapest.

Viadi d'auditurs sin il Danubi

Budapest da notg Bild in Lightbox öffnen.

Legenda da maletgs: Budapest da notg

Mesemna saira è il bastiment sa fermà a Budapest ed ils participants han gì la pussaivladad da giudair ina saira populara e la citad da Budapest da notg. Er gievgia han ils participants gì la pussaivladad da perscrutar Budapest. Nus udin impressiuns davart Budapest e plinavant era infurmaziuns co ins fa il managen in bastiment-hotel sco la A-ROSA RIVA.

Viadi d'auditurs sin il Danubi

Il chastè da Bratislava Bild in Lightbox öffnen.

Legenda da maletgs: Il chastè da Bratislava RTR, C. De Pedrini

La gievgia avantmezdi han ils participants dal viadi gì la pussaivladad da visitar la citad da Bratislava ed uschia er gì la pussaivladad da far "shopping". Il suentermezdi ha il viadi lura cuntinuà en direcziun da la Wachau. Sin il bastiment procura mintga saira l'entertainer Manuel per divertiment, co èsi per l'entertainer da far rir mintga saira tut la glieud?

Viadi d'auditurs sin il Danubi

Program ed infurmaziuns Bild in Lightbox öffnen.

Legenda da maletgs: Program ed infurmaziuns RTR

Sonda en damaun è la gruppa arrivada a Krems, nua che l'excursiun "Bellezzas da la Wachau" ha cumenzà. La gruppa ha visità Dürnstein, la citad pittoresca circumdada d'in mir che sa chatta amez las vignas da la Wachau. Per il Radio Rumantsch ha Claudio De Pedrini accumpagnà il viadi, co lavura el sin il bastiment e co po el transmetter urden enfin a Cuira tar il Radio Rumantsch? Plinavant intervegnin nus da Pina Iseppi tge ch'i ha dà da mangiar sin il bastiment. A la fin fa Claudio De Pedrini ina bilantscha da l'entir viadi d'auditurs sin il Danubi.