Gion Rudolf Caprez

Premi da renconuschientscha Gion Rudolf Caprez vegn undrà en renconuschientscha da sias perscrutaziuns da l'istorgia da la Viafier retica dapi blers onns e da ses engaschament avant che la lingia da la Viafier retica da Tusaun a Tiraun è vegnida admessa en la glista dal patrimoni cultural mundial da l'Unesco.

Gion Rudolf Caprez Bild in Lightbox öffnen.

Legenda da maletgs: Gion Rudolf Caprez RTR, G. Hosang

Biografia

Gion Rudolf Caprez è naschì 1954 a Cuira. Suenter la matura ha el studegià fisica a la scola politecnica a Turitg. Fatg il diplom n'ha el dentant betg. En ils Stadis Unids ha el scuvert ses interess per l'istorgia dal traffic. Enavos en il Grischun è Gion Rudolf Caprez sa focusà sin la Viafier retica. Dapi l'onn 1983 è el locomotivist. Parallel ha el perscrutà l'istorgia da la Retica ed ha acquistà ina vasta savida en il sectur tgira da monuments. Questa experientscha ha el nizzegià per acquistar il titel da patrimoni mundial cultural da l'Unesco per la lingia d'Alvra e dal Bernina. Gion Rudolf Caprez è stà iniziant e motor per quest project e sias retschertgas èn stadas impurtantas per il dossier d'annunzia.

Nus essan s'inscuntrads cun Gion Rudolf Caprez a la staziun da Cuira