Dretgira administrativa chantunala tracta il cas Adebar

Il cas Adebar vegn tractà da la dretgira administrativa chantunala. La diocesa da Cuira ed il vicari general Martin Grichting n'acceptan betg la sentenzia da la cumissiun da recurs da la Baselgia chantunala catolica.

La dretgira s'occupa ussa dal recurs da l'uvestgieu da Cuira ed il vicari general. Bild in Lightbox öffnen.

Legenda da maletgs: La dretgira s'occupa ussa dal recurs da l'uvestgieu da Cuira ed il vicari general. mad

Ins veglia in scleriment giuridic entras in'instanza independenta. Quella premissa saja tar la cumissiun da recurs stada dada mo parzialmain, damai che 3 dals 5 commembers sajan stads durant plirs onns sezs commembers dal Corpus Catholicum ed hajan mintgamai deliberà ils budgets da la baselgia chantunala. Il Corpus Catholicum aveva decidì che la baselgia chantunala possia pajar vinavant ina contribuziun ad adebar, sche quella na vegnia betg duvrada per cussegliaziuns en connex cun stgatschar uffants. (cdp/fc)

Recurs da vicari general Grichting vegn refusà

Il vicari general da l'uvestgieu da Cuira, Martin Grichting, perda la dispita cunter il parlament da la Baselgia chantunala. La cumissiun da recurs da la Baselgia chantunala catolica ha refusà ses recurs cunter la decisiun dal parlament da dar 15'000 francs al post da cussegliaziun Adebar.

Uvestg Huonder cumbatta vinavant Adebar

L'uvestg Vitus Huonder fa vair quai ch'el ha annunzià avant curt. El recurra a la dretgira administrativa cunter la baselgia chantunala.