Fortezzas tar RTR

Fortezzas èn gia bain inqual giada stadas tema tar RTR. Qua chattais intginas contribuziuns davart fortezzas.

L’intern da la fortezza da Trin. Bild in Lightbox öffnen.

Legenda da maletgs: L’intern da la fortezza da Trin. RTR, J. Clopath

Museum fortezza Stalusa a Mustér

Avertura fortezza Stalusa a Mustér Bild in Lightbox öffnen.

Legenda da maletgs: Avertura fortezza Stalusa a Mustér RTR, A.Monn

Mustér ha ina nova attracziun per esters ed indigens, il museum da la Fortezza da la Stalusa. Dapi il fanadur da l'onn passà ha l'uniun "Fortezza Stalusa" sanà la fortezza che sa chatta sper la via chantunala tranter Mustér e Sumvitg. Il cumenzament da december è il museum Stalusa vegnì avert uffizialmain. En il museum pon ils visitaders contemplar ils indrizs originals da la fortezza ed ina collecziun d'armas da l'infantaria. La fortezza Stalusa è vegnida construida 1967, il militar ha duvrà ella 1995 per la davosa giada.

10 onns museum fortezza Crestawald

Il museum da fortezza Crestawald a Sur festivescha quest onn il giubileum da 10 onns. cun l'exposiziun speziala "bumbardaders americans sur il Grischun". Durant la segunda guerra mundiala èn pliras bumbas ed era aviuns curdads sin il Grischun. Il museum Crestawald ha rimnà different material che vegn uss mussà. L'exposiziun en la fortezia avra sias portas ils 5 da zercladur e cuzza fin ils 30 d'october.

Fundà nova uniun "Fortezza Trin"

Part da la fortezza a Trin. Bild in Lightbox öffnen.

Legenda da maletgs: Part da la fortezza a Trin. RTR, J. Clopath

Avant 4 onns ha cumprà la vischnanca da Trin las fortezzas militaras dal crap Sogn Barcazi e dal Crap Pign. Las parts culturalas cun la tur da Sogn Barcazi èn gia vegnidas renovadas. Da la fortezza militara duess guardar l'uniun Fortezza da Trin. Quell'uniun è novischma, ella è vegnida fundada questa sonda.

En l'Engiadina Bassa fissan duas fortezzas adattadas per museums

Fortezzas che l'armada svizra na dovra betg pli èn ils ultims onns adina puspè vegnidas midadas en museums. En l'Engiadina Bassa datti anc nagins museums da fortezzas. Ma er là dessi dus cumplexs che fissan adattads per daventar in museum.

Cumpra Susch las fortezzas militaras?

Cumprar u betg cumprar las fortezzas militaras. Sur da quella dumonda decida questa saira la radunanza communala da Susch. Suenter la reorganisaziun da l'armada svizra na vegnan bleras fortezzas betg pli duvradas. Però duvrar quellas per in nov scopo è difficil. Surtut sche las fortezzas sa chattan en zonas d'agricultura u en zonas forestalas.