Ulteriura terrada per ils Rumantschs

La squadra rumantscha dad Eros Bonolini ha pers er la terza partida da ballape a l'Europeada, il campiunadi da ballape da las minoritads linguisticas en l'Europa. La minoritad dals Tudestgs en la Russia ha gudagnà la partida cleramain cun 6:0. Cun quai na cuntanschan ils giugaders rumantschs betg pli il quartfinal dal turnier en la Lausitz en Germania. Els vegnan a giugar a partir da gievgia las partidas per ils ultims rangs. L'Europeada cuzza anc fin ils 24 da zercladur. (ec/rtr)

Ils giugaders Rumantschs a l'Europeada spetgan anc adina sin l'emprima victoria e sin l'emprim gol. Bild in Lightbox öffnen.

Legenda da maletgs: Ils giugaders Rumantschs a l'Europeada spetgan anc adina sin l'emprima victoria e sin l'emprim gol. RTR, A. Caprez