Svizra: Rumantsch er sin parlament.ch

Il parlament federal duai era porscher ina part rumantscha sin sia pagina d'internet www.parlament.ch. Quai pretenda il cusseglier naziunal Martin Candinas (PCD). Enfin uss datti sin la pagina d'internet be infurmaziuns per tudestg, talian, franzos ed englais.

Il cusseglier naziunal Martin Candinas (PCD) vul ch'era il rumantsch saja represchentà sin la pagina d'internet dal parlament. Bild in Lightbox öffnen.

Legenda da maletgs: Il cusseglier naziunal Martin Candinas (PCD) vul ch'era il rumantsch saja represchentà sin la pagina d'internet dal p... mad

Candinas vegn perquai ad inoltrar in postulat per mauns dal biro dal cussegl naziunal e dal biro dal cussegl dals chantuns. Il december aveva Candinas gia inoltrà in'interpellaziun per mauns dal cussegl federal cun la dumonda da promover il rumantsch en l'administraziun federala ed en il parlament federal. Il cussegl federal ha respundì l'emna passada ch'el promovia il rumantsch en l'administraziun federala en moda adequata, ma ch'el na saja betg responsabel per l'adiever dal rumantsch en il parlament federal. (gc/rtr)