Resgia Domat: I duai puspè vegnir resgià

La gruppa tirolaisa Pfeifer ha ingiantà oz ils dretgs da bajegiar per l'areal da la resgia gronda a Domat. Sco cumpradra è sa preschentada la "Holzindustrie Pfeifer AG" cun sedia a Zug.

Per 2,05 milliuns francs ha la Holzindustrie Pfeifer cumprà ils dretgs da bajegiar sin l'areal da l'anteriura resgia gronda a Domat. Bild in Lightbox öffnen.

Legenda da maletgs: Per 2,05 milliuns francs ha la Holzindustrie Pfeifer cumprà ils dretgs da bajegiar sin l'areal da l'anteriura resgia... holz-pfeifer

La Holzindustrie Pfeifer AG ha pajà persuenter 2,05 milliuns francs. La firma Klausner Holz Thüringen, ch'aveva cumprà las maschinas aveva offrì exact 2 milliuns francs ed è uschia restada cun mauns vits. L'ingiant public è stà a Trin. La resgia gronda a Domat era vegnida construida cun agid finanzial dal chantun. Il december da l'onn passà era ella ida concurs. La possessura, la Mayr-Melnhof aveva relaschà 130 persunas. (gc/rtr)