Trair a niz il schlantsch da l'economia forestala

La resgia gronda a Domat è istorgia. La firma "Klausner Holz da Thüringen en Germania" paja var 20 milliuns francs per tut ils indrizs ch'ella vegn a demontar ils proxims 6 mais.

Ussa saja il temp adattà per reveder la lescha da guaud. Bild in Lightbox öffnen.

Legenda da maletgs: Ussa saja il temp adattà per reveder la lescha da guaud. RTR

Malgrà tut discurra il cusseglier guvernativ Mario Cavigelli d'ina schanza. Ch'i giaja per trair a niz il schlantsch che l'economia forestala ha sviluppà ils davos mais per refurmar las structura e per reveder la lescha da guaud. Speranza che l'areal vegn duvrà vinavant La presidenta communala da Domat Beatrice Baselgia na perda er betg la speranza. Ella craja ch'i possia dar insatge tut auter sin l'areal. Dischillus è Andrea Florin, president da la Selva. Quai suenter che sia organisaziun ha cuntanschì la finamira da furnir 150'000 meters cubic laina. Reacziuns da las partidas La partida cristiandemocratica grischuna deplorescha che las vischnancas che han da surpigliar il deficit pajan uss il quint per il debachel, la fin finala cun daners da taglia. La partida burgaisdemocratica discurra d'in ulteriur di nair per l'economia grischuna da guaud. Ella pretenda che la autras partidas, PLD, PPS, PS e PVL surpiglian uss responsabladad. Quellas hajan numnadamain impedì ils daners da salvament en il Cussegl Grond il december passà. (fc/sda)