Lieus da la memoria

Il project Idée suisse 2006 Lieus da la memoria vegn realisà a chaschun dal giubileum da 75 onns da la SRG SSR Idée suisse ed è il fritg da la collavuraziun cun las societads affiliadas Rete Due ed Espace 2. La finamira è d'attrair l'attenziun dals auditurs e da las audituras sin in pèr lieus specifics en las differentas regiuns linguisticas e culturalas da la Svizra, represchentativs per las grondas transfurmaziuns ch'èn succedidas en noss territori.

Lieus da la memoria Bild in Lightbox öffnen.

Legenda da maletgs: Lieus da la memoria RTR

Locarno

Locarno Bild in Lightbox öffnen.

Legenda da maletgs: Locarno RTR

Leonardo da Vinci ha laschà enavos fastizs er a Locarno. Quai sansa pir dapi intgins mais. L'istoricher Marino Viganò ha constatà che l'implant da defaisa dal chastè ch'era situà avant 500 onns directamain sin la riva dal Lago Maggiore è vegnì fabritgà dal grond inschigner talian. Data d'emissiun: 20-07-06

Monte Ceneri

Monte Ceneri Bild in Lightbox öffnen.

Legenda da maletgs: Monte Ceneri RTR

Sin il Monte Ceneri han ins fabritgà dal 1933 in'antenna per las emissiuns dal radio da la svizra taliana. Davent da là vegn anc oz emess in program sin undas medias e là sa chatta er in museum da radio. En nossa seria da la SRG SSR idée suisse visitain nus oz quai museum. Data d'emissiun: 18-07-2006

Ponte-Diga di Melide

Bild in Lightbox öffnen.

Legenda da maletgs: RTR

Tgi che va da Lugano en diercziun sid, traversa automaticamain la gronda punt che traversa il lai da Lugano tranter Melide e Bissone. Pli baud na devi nagina punt. En la seria "Lieus da la memoria" da la SRG SSR idée suisse avain nus visità quella punt istorica. Data d'emissiun: 13-07-2006

Simplon / Gondo

Gondo Bild in Lightbox öffnen.

Legenda da maletgs: Gondo RTR

Duas chaussas han rendì encunuschent il lieu da cunfin Gondo al Pass dal Simplon: las minieras d'aur ch'èn vegnidas explotadas fin dal 1897. Nus avain visità las ruinas da las minieras. Gondo è però vegnì encunuschent er tras la bova dal 2000. Liliane Gruber-Büchler, oriunda da Schluein sa. Data d'emissiun: 11-07-2006

Val d'Herens

Val d'Herens Bild in Lightbox öffnen.

Legenda da maletgs: Val d'Herens RTR

La Val d'Herens è ina vallada muntagnarda en il sid da Sion. Évolène - il lieu principal - viva d'in turissem moderà e da l'agricultura. Pli baud aveva mintga famiglia in mil. Nus raquintain da l'istorgia dals mils dad Évolène da l'hotel istoric "Kurhaus" sur Arolla. Data d'emissiun: 06-07-2006

Emettur da Sottens

Emettur da Sottens Bild in Lightbox öffnen.

Legenda da maletgs: Emettur da Sottens RTR

Beromünster, Schwarzenbug, Monte Ceneri, Sottens: emetturs naziunals che han scrit l'istorgia dal radio en Svizra. In pau davos las culissas èn svanì quests emetturs cura che las undas ultra curtas (UKW) èn vegnidas. Oz faschain nus visita a l'emettur da Sottens sin las collinas da la Svizra franzosa. Data d'emissiun: 04-07-2006

Vallorbe

Vallorbe Bild in Lightbox öffnen.

Legenda da maletgs: Vallorbe RTR

Il cumin da Vallorbe en il nord da Losanna è collià stretgamain cun il fier e cun la viafier. Gia dal temp dals Romans han ins explotà las minas da fier. Enturn il 1875 è daventà Vallorbe in center da viafier impurtant cun l'avertura da la lingia Losanna-Paris. Perfin Ghandi e la regina d'Engalterra han fatg fermativa a Vallorbe. Data da l'emissiun: 29-06-2006

La Valsainte

La Valsainte Bild in Lightbox öffnen.

Legenda da maletgs: La Valsainte RTR

Dapi sia construcziun il 1295 è la chartusa da la Valsainte en la Gruyère stada marcada da temps burascus; davent da la fluriziun fin bunamain a la persecuziun. Entant che l'urden dals chartusians ha oz adina dapli aderents en l'Asia, ha el da cumbatter qua en l'occident. Pir l'onn 2000 cura ch'ina part dal mir da tschinta è ida en ruina, è sa constituida l'Associaziun per la protecziun da la chartusa da la Valsainte. Data d'emissiun: 27-06-2006

Claustra San Jon a Müstair

Claustra San Jon a Müstair Bild in Lightbox öffnen.

Legenda da maletgs: Claustra San Jon a Müstair RTR

D'impurtanza mundiala èn las picturas muralas carolingas e romanas en la baselgia da la claustra, sco er la statua monumentala da l'imperatur e fundatur Carli il Grond. Ma tge fiss quest edifezi senza las soras benedictinas ch'abiteschan dapi tschientaners en questa claustra. Data d'emissiun: 22-06-2006

Chastè da Riom

Chastè da Riom Bild in Lightbox öffnen.

Legenda da maletgs: Chastè da Riom RTR

En il chastè da Riom nascha uss in dals pli bels salvs da teater da las alps - amez la miraglia medievala, che ha già survivì blers tschientaners. Ils 30 da zercladur avra il teater sias portas cun la premiera da l'opera Benjamin. Data d'emissiun: 20-06-2006